Dili – Governu Timor-Leste kompromete lori fila timoroan nain hitu, husi Dubay mai Timor-Leste.
Ministru prezidensia konsellu ministru, Fidelis Leite Magalhães komfirma, governu toma nota ba preokupasaun prezidente republika Jose Ramos Horta relasiona ho timor oan nain hitu ne’ebe sai vítima iha Dubay.
Tanba ne’e, governu liu husi ministeriu negosiu estranjeiru no kooperasaun halo ona esforsu atu lori fila timor oan nain hitu, husi Dubay mai Timor Leste.
Diretór jeral asuntu konsular komunidade timorense iha ministériu negósiu estranjeiru no kooperasaun, José António Amorin Dias konfirma, governu Sei rekolla dadus ba traballador hirak ne’e, iha semana ne’e.
Timor oan nain hitu, antes ne’e ba servisu iha Dubay liu husi ajensia balu ne’ebe laiha legalidade.
Foin lalais ne’e, polisia cientifika investigasaun kriminal kaptura ona suspeitu nain rua ne’ebe deskomfia involve iha kazu tráfico humano hodi haruka Timor oan sira ba servisu iha rai liur.
(Manuel/Bito/Siso)
