Magazine RádiuNotisiasTetum

PN Husu Governu Dada Ahi Ba Suku Ne’ebe Seidauk Asesu Electrisidade

Dili – Membro parlamentu nasional ezize ba governu atu instala linha elektrika, ba suku tolu nulu resin, ne’ebé seidauk asesu enerjia eletrisidade.

Deputado Alexandrinho Cardosu hato’o ezizensia ne’e, liu hosi plenaria iha parlamento nasional, segunda-feira ne’e.

Deputado ne’e hateten, suku hitu iha munisipio Covalima no suku seluk iha munisipiu, inklui RAEOA, to’o agora seidauk asesu energia electrika, maske Timor-Leste restaura nia independensia durante tinan 20.

Iha parte seluk, deputado Domingos Lemos preokupa, ho electrisidade ne’ebe kada loron kontinua mate lakan.

Hatan ba pedido ne’e, ministro asunto parlamentar no komunikasaun sosial Francisco Jeronimo kompromete, oitavo governu iha ona politika sei instala linha electrika ba suku tolu nulu resin,, iha tinan 2023.

Antes ne’e, xefe governu Taur Matan Ruak orienta ona ekipa husi ministerio obras publika hodi identifika suku nebe seidauk asesu ba electrsidade hodi finaliza iha tinan 2023.

Tuir dadus husi EDTL.EP, suku tolu nulu resin, iha teritoriu Timor-Leste, to’o agora seidauk asesu ba fornesimentu linha eletrika.

(Alau/ansa/Enthty/Siso)

Show More

Related Articles

Leave a Reply

Your email address will not be published.

Back to top button
error: !