Dili – Prezidente republika husu ministru defesa kria kooperasaun ho nasaun parseiru ba dezenvolvimentu instituisaun Falintil Forsa Defesa Timor-Leste.
Ministru defesa Filomeno Paixão De Jesus haktuir, governu Timor Leste nia kooperasaun durante ne’e hala’o ona ho nasaun rua nulu, atu nune’e membru F-FDTL sira ba halao estudu.
Governante ne’e haktuir, prezidente republika husu ba atu governu hametin kooperasaun ho país sira seluk.
Entretantu, durante ne’e nasaun parseiru sira hanesan America, Australia, Portugal, Xina no seluk tan kontinua fo kapasitasaun tiru, no apoiu asistensia teknika ba F-FDTL.
Dau-daun ne’e, Estadus Unidus America dezenvolve hela aeroportu Baucau no governu Australia dezenvolve portu naval Hera no seluk tan.
(Manuel/Siso)
