Magazine RádiuNotisiasTetum

PNTL Sei Asegura Siguransa Ba Delegasaun Xines

Dili – PNTL sei asegura delegasaun konsileiru estadu no ministru negosiu estranjeiru Xina, Wang Yi, mai Timor Leste.

Komandante operasaun nasional PNTL, superintendente xefi, Pedro Belo hateten, delegasaun ne’e, sei vizita Timor-Leste, iha loron tolu fulan juñu, semana ne’e.

Kinta-feira ne’e, ekipa PNTL kompostu husi unidade espesial polisia, tranzitu no unidade polisia militar halao simulasaun iha aeroportu internasional Nicolao Lobato, hodi simu delegasaun Xines.

Durante estadia iha Timor Leste, delegasaun Xines sei asina akordu ho governu Timor-Leste iha area, transporte sivil aero, ekonómika no kooperasaun tékniku, saúde, lisensa ba transmisaun iha RTTL.

Deledasaun Xines sira mos sei hasoru malu ho Kay Rala Xanana Gusmão, sekretariu jeral partidu FRETILIN Mari Bin Amudi Alkatiri, primeiru ministru Taur Matan Ruak no prezidente republika Jose Ramos Horta.

(Juvenal/Marques/Siso)

Show More

Related Articles

Leave a Reply

Your email address will not be published.

Back to top button