Dili – Óspital Nasional Guido Valadares, iha ona sentru kolposkopia hodi fó tratamentu espesífiku ba pasiente ne’ebé sofre moras kankúru servikal.
Sentru kolposkopia, iha Óspital Nasional Guido Valadares, nudar sentru ne’ebe halo tratamentu ba feto sira ne’ebe iha problema servikal ka ruin kotuk.
Diretor ezekutivu HNGV Alito Soares hateten, sentru ne’e sei loke semana ida dala rua hodi atende feto sira ne’ebé risku ba moras kankúru servikal.
Ministra saúde, Odete Freitas Belo enkoraja pessoal saúde sira, atu reforsa promosaun saúde hodi motiva feto sira, nune’e bele halo prevensaun sedu.
Reprezentante organizasaun mundial saúde, Arvind Mathur relata, kada tinan Timor-Leste rejista kazu kankru servikal, hamutuk nain sanulu no husi númeru ne’e nain nen mak lakon vida.
OMS mos sei instala mos sentru kolposkopia, iha hospital referal sira ho infra-estrutura no ekipamentu, inklui treinamentu ba pessoal saúde sira hodi fó tratamentu ba pasiente feto sira ho dignu.
(Sergio/Sara/Siso)
