Dili – Komisaun parlamentar asunto infra-strutura sei eleje deputadu ida hodi substitui presidente komisaun sesante, Abel Pires.
Vice presidenti komisaun E asunto infra-strutura, Favião Oliveira hateten, tuir rejimentu parlamentu nasional, bainhira presidente komisaun sira asume kna’ar iha fatin seluk, komisaun sei delibera hodi halo fali eleisaun ba presidente foun.
Deputado Favião Oliveira argumenta, maske presidente komisaun sesante mai husi bankada PLP, maibe atu substitui nia fatin, depende ba membro komisaun sira nia desizaun.
Presidente komisaun infra-strutura sesante deputado Abel Pires Da Silva husi bankada PLP, dadaun ne’e asume ona kna’ar hanesan ministro obras publika.
Dadaun ne’e, partido PLP deside ona quadro partido PLP ho naran Bernado Quintão hodi substitui deputado Abel nia fatin, hanesan deputado bankada PLP iha parlamentu nasional.
(Alau/Siso)
