Dili – Sentru Nasional Chega re-ativa, rede nasional prevensaun konflitu, iha kuarta-feira ne’e.
Diretor ezekutivu Centru Nasional Chega, Hugo Fernandes afirma, rede nasional prevensaun konflitu kria atu halo monitorizasaun no peskiza konaba konflitu, hodi relata ba parte relevante atu foti asaun.
Diretor jeral protesaun civil, Ismael Babo hatutan, governu liu husi sekretariadu estadu protesaun civil, kontinua garante sidadaun nia moris iha situasaun defisil.
Sekretáriu jeral g7+, Helder Da Costa haktuir, Timor Leste sai ona referensia ba nasaun membru 20 konaba área prevensaun konflitu, tanba durante periodu kampaña polítika to’o eleisaun, la akontese konflitu gráve.
Ejistensia rede nasional prevensaun konflitu importante atu monitoriza kampaña polítika ba eleisaun prezidensial tinan ne’e no eleisaun parlamentar tinan 2023 hodi garante estabilidade rai laran.
(Juvenal/Siso)
