Magazine RádiuNotisiasTetum

Aimoruk Fomigasaun Litru Rihun Ida To’o Ona Iha TL

Dili – Servisu autónomu medikamentos no ekipamentos saúde konfirmado, simu ona aimoruk kímiku fomigasaun litru rihun ida husi governu Australia.

Diretor ezekutivu servisu autónomo medikamentus no ekipamentus saúde – SAMES, Santana Martins ba RTTL iha SAMES Kampung Alor Dili hateten, aimoruk kímiku malathionlitru rihun ida ne’e, bele apoiu ba ministériu saúde hodi halo fomigasaun iha fatin risku dengue.

Nia afirma, SAMES sei maneza didiak aimoruk ne’e hodi distribui ba munisipiu Díli no munisípiu sira seluk.

Santana martins hateten, SAMES sei esforsu hodi aranja, iha tempu besik, makina fomigasaun ne’ebé avária iha munisípiu sira.

Aimoruk kímiku seluk hanesan abate kilograma atus lima no teste kit dengue rihun sanulu resin sufisiente hela iha sames hodi atende kazu dengue.

To loron sanulu resin hat fulan  fevereiru tinan ne’e, kazu dengue rejistadu  iha territóriu nasionál hamutuk rihun rua  haat  nulu resin lima no komulativu óbitu nain tolu.

(Sergio/Siso)

Show More

Related Articles

Leave a Reply

Your email address will not be published. Required fields are marked *

Back to top button
error: !