Dili – Governu apela sidadaun ne’ebé seidauk simu vasina atu ba postu vasinasaun hodi simu vasina, prevene kontajiu COVID-19.
Porta voz komisaun interministerial ba vasina kontra COVID-19, Danina Coelho hateten, dadaun ne’e pakote vasina sufsiente hela inklui vasina Pfizer ba labarik ho idade 12 too 18.
Diretora saúde munisípiu Díli, Agustinha Segurado fundamenta, labarik ne’ebe la eskola barak seidauk simu vasina, tanba ne’e sei koopera ho lider komunitaria hodi realiza vasina iha kada aldeia.
Dadaun ne’e, iha Timor-Leste, total populasaun husi idade sanolu resin ualu ba leten ne’ebe kompleta ona segunda doze hamutuk pursentu hitu nolu resin ida pontu rua.
Enquanto ho idade entre sanolu resin rua too sanolu resin ualu ne’ebe simu ona primeira doze hamutuk pursentu rua nolu pontu nen.
(Sergio/Siso)
