Dili – Polísia Nasional Timor-Leste, sei la tolera aktu kriminal durante kampaña eleitoral no eleisaun presidensial.
Posizaun ne’e, aprezenta husi, segundu komandante jeral PNTL, komisariu polisia, Mateus Fernandes, iha abertura ba formatura jeral, iha kuartel unidade espesial polísia bairu pite Díli, segunda-feira ne’e.
Komisariu polisia Mateus Fernandes hateten, prosesu demokratizasaun presiza polisisa nia prezensa hodi asegura eleisaun ne’ebe kredivel no hakmatek.
Komandante operasaun nasional, superintendente xefe, Pedro Belo hateten, formatura jeral ne’e hanesan polísia nia preparasaun ikus, ba kampaña eleitoral no eleisaun presidensial.
Hafoin abertura, ekipa konjunta konstitui husi, unidade espesial polísia, unidade polísia maritíma no unidade patruilamentu fronteira, hala’o komboiu haleu kapital Díli, atu garante katak, eleisaun sei lao ho efektivu no hakmatek.
(Juvenal/Siso)
