Dili – Jerasaun komite 12 novembru husu ministeriu publiku, prosesa lalais kazu lori osan liu montante dolares rihun sanulu ba estranjeiru maibe la iha deklarasaun husi banku sentral.
Eezizensia ne’e, hato’o husi, portavoz jerasaun komite 12 novembru, Gabriel De Carvalho, iha konferensia imprensa, iha comite 12 de novembro Balide Díli, iha sesta-feira ohin.
Iha parte seluk, ezize mos ba ministeriu publiku atu halais prosesa kazu Jose Bernardo ne’ebe tara an iha sela pntl dili no Amu Abito no kazu droga.
Foin lalais, jornalista sira komfirma prokurador jeral republika Alfonso Lopez iha parlamentu nasional, nia parte deklara kazu sira sei iha segredu justisa, tanba iha hela prosesu investigasaun iha gabinete kombate kriminalidade.
Bazeia ba lei númeru 5/2013 kona-ba prevensaun kombate brankeamentu kapital no finansiamentu terorizmu katak, sidadaun neebe lori osan ho montante liu dolar rihun 10 tenke iha deklrasaun.
(Manuel/Siso)
