Dili – Jerasaun 12 novembro avália, desportu iha Timor Leste lao hakdasak.
Portavoz jerasaun 12 novembro Denilson Guterres hato’o asuntu ne’e, iha konferencia imprensa, iha komarka antigo Balide Dili sexta-feira ne’e.
Denilson Guterres konsidera, presidente no sekretariu jeral federasaun futebol Timor Leste-FFTL laiha kapasidade hodi jere FFTL ba oin, tanba kansela selesaun nasional sub-16 ba partisipa iha kualifikasaun taxa asia tinan ne’e.
Maibe, prezidente federasaun futeból Timor-Leste, Francisco Jerónimo klarifika, jogu kualifikasaun kanseladu iha tajiquistão tamba agência fornese kuotasaun ba viajens ho presu ne’ebe bo’ot.
Exekutivu ne’e afirma, fifa atribui osan rihun walu nulu, hodi sosa billete aviaun bá jogadór nain tolu nulu resin ida, maibe la sufisiente.
Koutasaun ba billete ne’e, husi dolar amerikanu rihun atus ida ualu nolu, to’o dolar amerikanu rihun atus rua.
(Domingos/Siso)
