Dili – Líder nasional Kayrala Xanana Gusmão kontinua, defende uma kain hitu, iha becusse kraik to’o hetan justisa loloos.
Líder nasional ne’e kompromete, nia parte sei kontinua fó apoiu ba vítima ba kazu rai iha becusse-Díli, tanba komunidade sira okupa durante tinan 46.
Xanana Gusmão deklara, sei hamutuk ho advogadu, aprezenta rekursu ba tribunal hodi hatur justisa loloos, atu nune’e vítima sira bele hetan direitu no hela fatin dignu.
Sorin seluk, okupante, Rosalina Alves, husu ba parte kompetente, konsidera nia sakrifisiu tanba okupa rai iha becusse durante tinan 46.
Maske tribunal deside ona atu hasai familia uma kain husi rai disputadu maibe Xanana Gusmão la fo fatin ba seguransa atu sobu uma.
Antes ne’e, advogadu Manuel Tilman hateten, sidadaun sira ne’e iha direitu ba rai, tanba sira hela iha rai refere liu tinan rua nulu ona, maske laiha dokumentu komprovativu.
(Bitu/Siso)
