Dili – UNIJMA husu ba ministériu públiku, lori suspeitu ho inisial LM neebe subar armas proibidu iha uma.
Porta voz UNIJMA Jose Dos Santos Argumenta, tuir loloos antes ne’e juís singular halo deit validasaun ba sasan kroat ne’ebe preende tiha ona iha suspeitu LM nia uma.
Porta voz UNIJMA Jose Dos Santos mós afirma, UNIJMA nia pozisaun apoiu ba desizaun ekipa konjunta ne’ebe halo buska ne’e loos no justu, tanba militar no polisia nu’udar mahein ba nasaun.
Foin lalais, tribunal deklara liberta arguidu LM, tribunal distrital Dili mos hasai mandadu foun ba PCIC, hodi kontinua halo buska no realiza aprensaun daruak iha arguidu nia residensia iha fomentu Dili.
Iha buska no aprensaun daruak ne’e, konsege identifika tan pistola tolu ho munisoens balun iha arguidu nia residensia fomentu Dili.
(Bitu/Ancha/Siso)
