Magazine RádiuNotisiasTetum

Tribunal Covalima Suai Kuntinua Hala’o Julgamentu Ba Kazu Ne’ebe Involve Eis Membro UPM Nain 6

Covalima – Tribunal Covalima Suai, tersa feira ne,e, kontinua prosesu julgamentu ba kazu omisidu simples no tentativas omesido ne’ebe involve eis membro UPM nain 6.

Prosesu julgamento ne’ebe taka ba publiku tanba hetan seguransa husi parte PNTL ne’ebe destakado iha tribunal Covalima.

Representante defesa ba eis membro UPM nain 6, advogado privado Escolatico Da Costa Nunes of record ba RTTL via telefone informa, prosesu julgamentu kuntinua hodi rona deklarasaun husi sasin sira.

Advogado privado husu tan ba tribunal atu apresenta tan testamunha nain tolu hodi hatan ba alegasaun ministeriu publiku.

Tuir Escolatico Da Costa, ministereu publiko akuza ho kazu 2 mak hanesan kazu omesidu simples ne’ebe previstu kodiko penal artigu 138 no tentativas omesidu no ameasa pena prisao tinan 5 to 8 no tinan 22.

Hafoin de rona sasin nain 4, tribunal sei kontinua fali, julgamentu iha semana oin hodi rona tan sasin nain 4 inklui profesionais media balun, iha semana oin.

(Carlito/Siso)

Show More

Related Articles

Back to top button
error: !