Dili – Komandu jeral PNTL avalia, serimonia investidura no komemorasaun independénsia ba dala 20, la’o hakmatek no kontroladu.
Asuntu ne’e, hato’o husi, komandante operasaun nasional, superintendente xefe Pedro Belo, iha quartel jeral PNTL Caicoli Díli, quarta-feira ne’e.
Superintendente xefe Pedro Belo relata, situasaun hotu la’o kontroladu tanba komandu koloka nia efetivu máximu iha eventu importante rua refere no asegura mos seguransa ba konvidados VIP ho VVIP internasional.
Superintendente xefe pedro belo argumenta sei aprezenta difikuldade ne’ebé nia parte enfrenta ba comando jeral PNTL hodi insere, iha planu prioridade ba rekrutamentu kadetes foun.
Nia argumenta, maske polisia laiha ekipamentu jaket light hodi utiliza ba asegura seguransa iha tempu kalan, maibe komandu sei preve ba iha orsamentu tinan 2023 nian.
Enkontro avaliasaun ne’e konta ho partisipasaun husi xefe departamentu no komandante unidade sira, iha instituisaun PNTL.
(Juvenal/Siso)
