Dili – Prezidente republika husu governu kontrola manipulasaun presu, iha merkadu.
Xefe estadu, Jose Ramos Horta, nia pedidu ne’e, relasiona ho nesesidade bazika ne’ebe folin aumentu iha merkadu.
Xefe estadu argumenta, nia konkorda atu hasa’e presu ba sigaru, masin midar, kokakola, fanta, sprite ne’ebe fo perigu ba ema nia saude.
Ministru koordenador asuntu ekonomia, Joaquin Dos Santos komfirma, forma ona ekipa ida halo kontrolu ba supermerkadu no loja ne’ebe manipula presu sasan nesesidade bazika.
Dau-daun ne’e, presu nesesidade bazika ne’ebe folin aumentu iha merkadu mak hanesan manu tolun, fos, mina, bebidas midar, masin midar no seluk tan.
Maibé, povu maioria preokupa ho aumentu presu nesesidade bazika iha kapital Dili no munisipiu sira.
(Manuel/Siso)
