Dili – Komandu polísia munisípiu Díli sei esforsu hodi rezolve problema ne’ebe rezulta vítima Jose Bernardo De Jesus Soares mate iha areadores sela PNTL Díli
Komandante polisía munisípiu Díli, superintendente xefe Natércia Eufrázia Martíns hateten, insidente ne’ebe rezulta ema lakon vida iha areadores sela polisia nian, prosesu hotu iha ona ministeriu publiku.
Maibé, komandu nafatin iha dever no obrigasaun tau iha príoridade nune’e kazu hanesan labele akontese tan iha futuru.
Insidente ne’e akontese iha loron 2 fulan setembru tinan 2022, ne’ebe deskonfia vítima Jose Bernardo De Jesus Soares mate ho tali iha sela detensaun polísia munisípiu Díli.
Matebian Jose Bernardo, polísia kaptura tanba deskonfia komete kazu krími ida iha area Audian loja 88 nian. hafoin lori ba detein iha sentru detensaun komandu polísia munisípiu Díli, hodi submete ba prosesu identifikasaun durante oras 12 nia laran.
(Juvenal/Siso)
