Dili – Presidenti republika informa ba parlamentu nasional hodi estende nia viajen loron rua ba kuala lumpur Malaisia.
Iha plenaria segunda feira ne’e, presidenti parlamentu nasional Anicetu Guterres hateten, simu karta husi xefe casa civil atu estende nia viajen ba kuala lumpur, tamba hetan komvite husi xefe governu Malaisia.
Tamba ne’e, presidenti parlamentu nasional husu deputado sira la presija ona fo ona autorizasaun, maibe importante xefe estado fo koinesimentu ba parlamentu nasional.
Xefe bancada FRETILIN David Dias Mandati deklara, tuir lolos xefe estado fila lai mai Timor Leste, hafoin bele kontinua halo vizita ba Malaisia, tamba xefe estado nudar simbolu nasaun.
Deputado bancada CNRT Arao Noe Amaral klarifika, bazeia ba konstituisaun artigo 80 alinea 3, bainhira xefe estado nia vizita privadu ba estranjeiro la liu loron 15, la presija fo votu autorizasaun, maibe iha deit koinesimentu ba parlamentu nasional.
iha karta koinesimentu xefe estado Jose Ramos Horta ba parlamentu nasional hodi informa deit kona ba nia vizita ba Malasia, tamba hetan kovite privadu husi primeiro ministro Malaisia nebe sei hasoru malu mos ho liurai Malaisia, durante loron 12 to’o 14 fulan dezembro tinan ne’e.
(Alau/Siso)
