Dili – Cruz vermelha Timor-Leste kontinua prepara an ba responde ba moras COVID-19.
Secretariu geral cruz vermelha Timor Leste Luis Pedro Pinto informa, federasaun cruz vermelha internasional realiza worshop ba gestor CVTL iha Timor Leste atu prepara an hodi responde ba moras covid-19 uainhira akontese iha futuru.
Nia haktuir, iha periodu COVID-19, CVTL halo servisu hamutuk ho ministeriu saude no sentru integradu gestaun crize ba prevene moras COVID-19, iha Timor Leste.
Koordenador CVTL filial Ermera, Duarte De Jesus Martins informa, worshop ne’ebe realiza husi federasaun CVTL internasional diak hodi mellora tan koiñesimentu iha responde ba COVID-19.
Worshop ne’ebe realiza husi federasaun CVTL internasional hetan partisipasaun husi ministeriu saude no gestor CVTL nian husi munisipiu 8 iha Timor Leste.
(Manuel/Siso)