Dili – Parlamentu nasional presta votus pezar ba vitima rai nakdoko, iha java ocidental Indonesia iha semana kotuk ne’e.
Iha plenaria tersa feira ne’e, deputado proponente Marito Mota deklara, votus pezar nebe deputado sira apresenta nudar actu solidaridade ba vitima atus tolu resin nebe lakon vida kauza husi rai nakdoko semana kotuk iha java Indonesia.
Tamba ne’e, orgaun nebe representa povo presija hato’o solidaridade liu husi votus pezar ba povo indonesia nebe lakon sira nia vida no sasan barak hetan estragus.
Proponente seluk, deputada Domingas Dos Santos akresenta, nasaun indonesia vizinho ho Timor Leste, tamba ne’e presija presta votus pezar no votus solidaridade ba estado indonesia nebe lakon nia ema kuaze atus tolu resin.
Entretanto; votus pezar no solidaridade ne’e deputado sira vota ho unaminidade afavor 42 kontra no abstensaun liu husi plenaria ordinaria tersa feira ne’e.
(Alau/Siso)
