Dili – Parlamentu Nasional ezije ministerio edukasaun juventude no desportu, tenke solusiona problema professors kontratado iha teritorio nasional.
Deputado Mariano Asanami Sabino, liu husi plenaria tersa feira ne’e hateten, problema professoris kontratado durante ne’e deputado barak levanta ona iha plenaria, maibe govenru seidauk buka solusaun ba problema ne’e.
Deptuado bankada PD ne’e avalia katak, professores barak hanorin tinan barak ona, maibe statutu seidauk los.
Sorin seluk, deptuado Luis Roebrtu Da Silva fundamena, atu garante edukasaun ne’ebe kualidade, presija kria kondisaun uluk ba professores hodi garante kualidade edukasaun.
Deputada komisaun G ba asunto eduksaun, Helena Martins deklara, durante komisaun G nia fiskalizasaun iha baze, identifika problema sala de aula no professores kontratadu.
Entretanto; relatorio fiskalizasaun husi komisaun espesializadas, deptuado sira entrega ona ba governu hodi buka solusaun ba problema edukasaun iha Timor Leste.
(Alau/Emy)
