Dili – Primeiru ministru, hahu lisensa, iha sesta-feira semana ne’e, hodi apoiu kandidatu lu-olo iha kampaña segunda volta.
Primeiru ministru Taur Matan Ruak informa, interinu primeiru ministru, sei asume husi, vice primeira ministru Armanda Berta Dos Santos, hodi asegura funsionamentu governu daualu.
Taur Matan Ruak sei hahu fali servisu, iha loron rua nulu resin ida fulan abril tinan ne’e.
Sekretariu geral partidu FRETILIN Marí Alkatiri garante, kandidatu Francisco Guterres Lu-Olo sei manan iha eleisaun segunda volta.
Tuir kalendariu aprovada, kampaña eleitoral segunda volta sei realiza iha loron rua to loron sanulu resin neen fulan abril.
Maibé, eleisaun presidensial ba segunda volta sei akontese iha loron sanulu resin sia fulan abril.
Bazea ba número sorteio, ne’ebé kandidatu nain rua dada iha tribunal rekursu, kandidatu Jose Ramos Horta ho número sorteio ida no kandidatu Francisco Guterres Lu-Olo ho número sorteio rua.
(Manuel/Siso)
