Dili – Organizasaun nasões unidas iha Timor-Leste husu atu luta kontra diskriminasaun ba grupu lésbicas, gays, bissexuais no transgênero – LGBT.
Reprejentante ONU iha Timor Leste Roy Trivedy haktuir, diskriminasaun ba grupu LGBT iha eskola no fatin publiku kontinua iha.
Tanba ne’e, nia husu ba governu Timor Leste atu halo esforsu hodi luta kontra diskriminasaun ba grupu lgbt hodi hatuur sira nia direitu hanesan ho sidadaun sira seluk.
Prezidente Republika Jose Ramos Horta haktuir, iha nia mandatu la halo diskriminasaun ba sidadaun inklui sidadaun sira iha grupu LGBT.
Ministru edukasaun juventude no desportu Armindo Maia promote, sei esforsu hodi luta kombate diskriminasaun hasoru grupu LGBT ne’ebé kontinua akontese iha eskola sira.
Iha artigu 23 husi konstituisaun rekere katak, interpretasaun ba direitu hotu-hotu iha konstituisaun tenke halo tuir deklarasaun universal direitus umanus.
(Manuel/Siso)
