Magazine RádiuNotisiasTetum

PN Husu KO Atu klarifika Prejensa Xanana Iha Serimonia Investidura PR Tur Iha Liur

Dili – Membro parlamentu nasional husu komisaun organizadora atu klarifika prejensa Kay Rala Xanana Gusmão iha serimonia investidura Presidenti Republika akompaina deit iha liur.

Deputado Bankada FRETILIN Dario Madeira hateten, governu presija klarifika ba publiku razaun ne’ebe lider nasional Xanana Gusmão partisipa deit serimonia importante ne’e iha liur.

Deputado Dario Madeira informa, tuir lolos komisaun organizadora tenki atribui komvite espesial ba lider nasional hotu, maibé akompanha iha liur hatun dignidade nasaun.

Deputado Adriano Nascimentu husu komisaun organizadora presija halo justifikasaun, tamba lider barak mak lahetan komvite.

Maibe sekretario estado komunikasaun sosial Mericio Juvinal Akara defende katak, komisaun organizadora atribui karta komvite ba lider hotu, maibe lider balu mak la partisipa iha serimonia ne’e.

Iha serimonia investidura xefe estado Jose Ramos Horta iha loron 19 fulan   maio ne’e, lider karismatico Xanana Gusmão partisipa deitiha liur no secretario geral FRETILIN Mari Alkatiri la marka prejensa.

(Alau/Siso)

Show More

Related Articles

Leave a Reply

Your email address will not be published.

Back to top button