Dili – Komandante polisia munisipiu Dili sei bolu urjente lider arte marsiais no arte rituais hodi responsabiliza konfrontu neebe akontese iha Mascarinhas, iha segunda-feira horiseik.
Komandante polisia munisipiu Dili, superintendente xefe Natercia Eufrazia Martins esplika, konfrontu nee mosu, hafoin grupu arte ritual balun halot mate isin ida iha semiteriu Becusse.
Familia matebian nee hetan provokasaun husi grupu balun iha Mascarinha hodi rezultadu konfrontu.
Durante konfrontu, motorizadas tolu mak hetan estragus no ema nain lima mak hetan kanek.
Superintendente xefe, husu ba inan aman atu eduka no kontrola oan sira hodi evita konflitu.
Dadaun ne’e, evidensia motorizadas no sasan kroat, asegura ona iha eskuadra polisia Vera Kruz hodi reforsa investigasaun.
(Juvenal/Siso)
