Dili – Polisia nasional Timor-Leste preparadu asegura kampaiña no eleisaun parlamentar tinan ne’e.
Komandante jeral PNTL, komisariu polisia Faustino Da Costa, hatoo garantia nee, hafoin enkontru preparasaun ho komandante munisipiu no servisu informasaun polisia, hala’o iha sentru formasaun polisia Komoro Dili, iha tersa-feira ohin.
Komandu sei kompleta tan uniforme, radio komunikasaun no ekipamentu polisia sira seluk hodi utiliza ba seguransa iha prosesu kampaña no eleisaun.
Enkontru preparasaun ne’e, partisipa máximu husi komandante munisipiu, komandante departamentu inklui komandante servisu informasaun sekreta sira.
Tuir planu, prezidente republika sei dekreta kalendariu ba kampaiña no eleisaun parlamentar iha fulan fevereiru tinan ne’e.
(Juvenal/Siso)
