Dili – Ministeriu interior preokupa ho kazu homesidu ne’ebé kontinua akontse iha kapital Dili.
Vice ministru interior, Antonio Armindo, apela ba joven sira labele uza sasan kroat hodi hakotu ema seluk nia vida.
Governante ne’e argumenta, lei forte hodi kondena sidadaun neebe halakon ema nia vida.
Tuir gravasaun husi kamera vizilansia CCTV ne’ebe instala iha loja balun hatudu, suspeitu nain rua ho motorizadas halai kontra sinais husi kruzamento Elemloi ba timor plaza.
Hafoin suspeitu ida tun husi motor hodi sona dala hat iha vitima nia kotuk laran, hirus matan no kabun.
Hafoin akontese, familia vitima ho sidadaun balun tenta lori matebian ba sentru saude komoro maibe la konsege salva tamba vitima ho kondisaun grave.
Dadaun ne’e, mate isin submete ona ba prosesu autopsia iha mortuariu hospital nasional Guidu Valadares Dili hafoin entrega ba familia hodi halo’ot.
(Juvenal/Siso)
