Dili – Konsellu ministru aprova ona kalendáriu operasaun ba resenseamentu eleitorál iha rai-li’ur.
Proposta ne’e, aprezenta husi ministru administrasaun estatál, Miguel Pereira De Carvalho, ne’ebe hetan aprovasaun iha reniaun konselu ministru iha palaciu do governu Dili, iha kuarta-feira ohin.
Ministru presidencia konselu ministru, Fidelis Leite Magalhães esplika, formasaun ba membru komisaun resenseamentu eleitorál sei hala’o iha loron 22 to’o 23 fulan-fevereiru tinan 2023.
Maibé, inskrisaun ba resenseamentu eleitorál sei hala’o, iha loron 24 fulan-fevereiru to’o loron 24 fulan-marsu tinan 2023.
Alende ne’e, elaborasaun extrasaun no remesa ba lista eleitór sira, liuhusi via eletrónika, husi misaun diplomátika sira no postu konsulár ida-idak sei hala’o iha loron 25 to’o 26 fulan-marsu.
Enquanto; períodu expozisaun no reklamasaun ba lista eleitór sira ne’ebé hela iha rai-li’ur ne’e define ba períodu husi loron 27 to’o loron 31 fulan-marsu no sinkronizasaun sistema resenseamentu eleitorál sei hala’o entre loron 1 to’o loron 11 fulan-abril.
(Domingos/Siso)
