Dili – Governu realiza seminário internasional protesaun sivil, hodi hanoin hikas dezastres naturais loron haat fulan abril tinan 2021.
Seminariu internasional ne’e ho tema “Reforsa Mekanismu Ko’ordenasaun Ba Jestaun Risku Dezastres” hodi halo refleksaun ba klamidade loron 4 fulan abril tinan kotuk.
Primeira ministra interina, Armanda Berta Dos Santos afirma, dezastres naturais iha loron 4 fulan abril halakon ema nia vida, estraga uma rihun ne’en resin no infra-estrutura públika sira.
Dezastres naturias ne’e halo estado Timor Leste gasta orsamentu, kuaze miliaun atus lima dolares amerikanu.
Sekretário estadu protesaun sivil, Joaquim Martins konfirma, protesaun sivil, realiza seminário ne’e hodi diskute mekanismu ko’ordenasaun ne’ebe diak, hodi hasoru dezastres naturais iha futuru.
Seminariu internasional ne’e, partesipa husi embaixadores sira, PNTL, F-FDTL, forsa estadu unidade Amerika ho Australianu inklui ajensia internasional.
(Juvenal/Emy)
