Dili – Governu ho kompaña alcatel submarine network – ASN, asina ona kontratu ba projetu kabu submarinu.
Akordu ne’e asina direitamente husi ministerio do plano e ordenamento, ministerio das finanças, ministerio coordenador dos assuntos económicos no ministerio do transporte e comunicações iha palaciu do governu Dili.
Reprezenta husi comissão interministerial ministerio do plano e ordenamento, aktual vice primeiru ministru Jose Reis agradese ba governu Australianu nia apoiu.
Entertantu; investimentu ba projetu fibra óptika financia husi governu Australia liu husi empreza vocus.
Governu Timor-Leste preve mos orsamentu hamutuk miliaun 39 ho karakter multi annual, ba konstrusaun primeira faze, preve miliaun sia pontu ne’en.
Enquanto; projetu kabu submarinu fibra óptika sei halo instalasaun iha fulan julio tinan 2022 ho durasaun fulan 19 no sei finaliza iha 31 janeiro 2024.
(Domingos/Sara/Siso)