Dili – Komisaun rekrutamentu FALINTIL-FDTL identifika, kadetes foun sira maioria sofre moras fuan, matan, tilun no kadetes feto balun grávida.
Xefe diresaun saúde militari, tenente koronel Guido Oliveira hateten, komisaun sei elimina kadetes foun ne’ebe indikasaun sofre moras.
Komandante unidade sentru formasaun treinu Metinaro, koronel Cezário Salustiano Marçal “Haksolok” hateten, sidadaun ne’ebe tama iha instituisaun FALINTIL-FDTL tenke saudavel.
Prosesu halao teste saúde ba kadetes foun hirak ne’e hahu husi tetu todan, sukat altura, hasai ran, raio-xis, fuan, nehan, matan, tilun, teste urina ba feto, phisikolojia, teste saude jeral no entrevista.
Dadaun ne’e, komisaun rekrutamentu halao ona teste saude ba kadetes foun hamutuk rihun ida resin iha sentru formasaun treinu Metinaru.
(Juvenal/Siso)
