Dili – Edifisiu foun RTTL.EP, sei hahu nia konstrusaun, iha fulan jullu tinan ne’e.
Ministru asuntus parlamentares, no komunikasaun Francisco Jeronimo garante, konstrusaun sei hahu iha tempu besik, tanba simu ona termu aseitasaun husi kompaña konstrutora, Banir Lema unipesoal limitada.
Governante ne’e argumenta, projetu konstrusaun ba edifisiu foun ne’e, ne’e gasta orsamentu millaun ida resin.
Edifisiu RTTL.EP foun ne’e, sei utiliza ba estudio sentrál husi númeru um to’o trez inklui servisu redasaun no seluk tan.
Entertantu, konstrusaun edifisiu foun RTTL.EP, lansa ona fatuk dahuluk husi prezidente repúblika, José Ramos Horta, primeiru ministru Taur Matan Ruak, no vise prezidente parlamentu nasional Luis Roberto.
(Domingos/Ansa/Siso)
