Dili – Komisaun nasional eleisoens – CNE hahu halo apuramentu nasional ba akta eleisaun segunda volta.
Iha abertura apuramentu nasional iha edifisio CNE Dili, prezidente CNE Jose Agostinho Belo deklara, durante apuramentu nasional, komisaun nasional eleisoins sei halo verifikasaun ba acta, durante horas 72, antes submete ba tribunal rekursu hodi pronunsia.
Ekipa verifikador kompostu husi CNE, observador nasional no internasional, inklui representante husi kandidatu presidente republika nain rua.
Apuramentu nasional ne’e, sei verfika tuir munisipio ida-idak, enquanto acta husi diaspora dadaun ne’e sei iha prosesu transportasaun mai Timor Leste.
Tuir rejultado provizorio husi apuramentu munisipal kandidatu, Jose Ramos Horta, nia votus hamutuk rihun atus tolu resin ekivale ho pursentu 62, enquanto kandidatu Francisco Guterres Lu-Olo hetan votus rihun atus rua resin ekivale ho pursentu 37.
(Alau/Aurelia/Siso)
