Dili – Kandidatu Francisco Guterres Lu-Olo deklara, simu derrota ho fuan boot tanba desizaun popular.
Tanba ne’e, kandidatu Frencisco Guterres Lu-Olo garante, prezidente eleitu Jose Manuel Ramos Horta bele hala’o servisu tuir kompromisiu ne’ebe iha, hodi hadia povu nia moris.
Lu-Olo manifesta votus parabens ba Jose Ramos Horta, tanba hetan ona konfiansa husi povu atu sai prezidente republika.
Prezidente partidu libertasaun popular, atual primeiru ministru Taur Matan Ruak, agradese ba povu Timor ne’ebe partispa ativa iha prosesu demokrasia ne’e hodi hili ona xefe estadu foun.
Sekretariu jeral partidu FRETILIN, atual koordenador plataforma entendimentu oitavu governu konstituisional Mari Alkatiri, louva kandidatu Lu-Olo ne’ebe ho dignidade simu rezultadu eleisaun.
Aseitasaun ba rezultadu eleisaun segunda volta, kandidatu Francisco Guterres Lu-Olo hala’o hamutuk horesponsavel partidu aliadu hodi aseita rezultadu apuramentu nasional ne’ebe fo sai kandidatu numeru um Jose Manuel Ramos Horta ne’ebe hetan votus maioria absoluta husi povu Timor Leste ba prezidente republika ba tinan lima.
(Manuel/Siso)
