Magazine RádiuNotisiasTetum

CNE Entrega Rezultadu Apuramentu Nasional Eleisaun Prezidensial Ba Tribunal Rekursu

Dili – Komisaun nasional eleisoins – CNE ohin entrega rezultadu apuramentu nasional eleisaun prezidensial ba tribunal rekursu.

Prezidente tribunal rekursu Deolindo Dos Santos informa, tuir lei, tribunal rekursu iha oras hitu nulu resin rua atu pronunsia rezultadu apuramentu nasional.

Tuir orariu husi komisaun nasional eleisaun, sei aprejenta rezultadu apuramentu nasional eleisaun prezidensial ba tribunal rekursu, iha segunda-feira ohin.

Rezultadu kontagen votu ba eleisaun prezidensial iha kandidatu nain rua mak hetan porsentu barak liu iha eleisaun prezidensial tinan ne’e.

Kandidatu Jose Manuel Ramos Horta lidera ho porsentu haat nulu resin neen, enkuantu kandidatu Francisco Guterres Lu-Olo iha porsentu rua nulu resin rua resin.

(Manuel/Siso)

Show More

Related Articles

Leave a Reply

Your email address will not be published.

Back to top button