Dili – Ema rihun lima resin, halo doasaun ran ba banku sangue óspital nasional Guido Valadares.
Xefe departamentu banku sangue hospital nasional Guido Valadares, Januario Da Cruz Freitas relata, doasaun husi voluntaria sira ne’e kontribui ona desde fulan janeiru to’o novembro tinan ne’e.
Xefe departamentu nee afirma, husi númeru ne’ebé rejista, ema rihun hat atus tolu nen nolu resin sia mak konsegue hasai ran, hodi oferese ba pasiente sira.
Enkuantu ema rihun ida atus tolu hitu nolu resin ida kansela, tanba detekta sofre moras hepatitis, sifilis no HIV-SIDA.
Dadaun ne’e, pakote ran disponível, hamutuk pakote hitu nolu resin hat, kompostu husi ran tipu A + pakote rua nolu resin ida, B + rua nolu resin tolu, AB ualo no ran tipu O + pakote sanolu resin hat.
Ran hirak ne’e, kontribui husi grupo voluntariu, instituisaun estadu, seguransa, bombeiru, CVTL, inklui familia voluntáriu sira seluk.
(Sergio/Siso)
