Prezidente Repúblika José Ramos Horta veta dekretu lei reponsabilidade prezidente repúblika.
Liu husi komunikadu imprensa ne’ebé RTTL asesa tersa-feira ne’e, prezidente repúblika José Remos Horta veta ona dekretu parlamentu nasionál númeru 63 barra kintu 2022 kona-bá lei responsabilidade prezidente repúblika.
Tanba haree ba pedidu fiskalizasaun astratata lei refere ne’ebé xefe estadu rasik hato’o ba tribunál rekursu deside katak, proposta lei ne’e inkonstitusionál no vioal prinsípiu balun iha konstituisaun RDTL.
Horta afirma, rejime semi prezidensiál hanesan Timor-Leste nian hatur iha artigu 95 ne’ebé permite responsabilidade prezidente repúblika ne’e atu estabelese estatutu liabilidade kriminál ne’ebé foka deit ba prezidente república.
No konsidera, dekretu lei ne’e ho esforsu atu limita ezersisiu poder diskrisionáriu hosi xefe estadu nu’udar subversaun ba fundasaun sistema semi prezidensiál hodi viola fali separasaun poder ne’ebé estipula iha konstituisaun rdtl artigu 69.
Tanba ne’e xefe estadu apela ba parlamentu nasionál atu respeita parámentru konstituisaun RDTL bainhira halo no aprova lei ne’ebé ligasaun ho ógaun soberania sira.
