Dili – Reprezentante fundu nasoens unidas ba populasaun ajénsia prinsipal-UNFPA preokupa kobertura kuidadu antenatal seidauk suficiente, iha Timor Leste.
Prezidente fundu nasoens unidas ba populasaun ajénsia prinsipal–UNFPA iha Timor-Leste, Pressia Arifin-Cabo hateten, númeru mortalidade inan nian as iha rejiaun sudeste aziatiku.
Nia afirma, problema ba mortalidade inan no bebe kontinua akontese tanba kuidadu antenatal ne’ebé fornese ba inan isin rua sira seidauk suficiente.
Diretor nasional saúde na familia ministeriu saude Victor Soares Martins akresenta, ministériu saúde kria ona mata dalan kuidadu ante natal hodi asegura inan isin rua sira tenke vizita fasilidade saúde minímu dala ualu molok partu.
Vise ministru saúde Bonifácio Maucoli Dos Reis enkoraja professional saúde sira, atu hala’o knar ho responsabilidade.
Dadus husi ministeriu saúde, rejistadu inan isin rua, rihun sanolu resin ida, atus sia lima nolu resin nen, mortalidade maternal sanulu resin hat, abortus 342, tanba kauza husi komplikasaun oin-oin no asesu ba fasilidade saúde tarde.
(Sergio/Siso)
