Dili – Tribunal distrital Dili fo livre total ba arguidu inisial JPP ne’ebe oho Aires Celestino Adelaide tinan 19 iha lurumata, la ho intensaun.
Tribunal distrital Dili, realiza julgamentu primeiru interogatoriu ba arguidu inisial JPP ne’ebe envolve direita iha kazu homisidiu neglijente iha Lurumata hodi rejulta vitima Aires Celestino Adelaide lakon vida.
Desizaun tribunal fo livre ba arguidu tamba, arguidu foin kompleta tinan sanulu resin lima.
Kazu ne’e, akontese hafoin suspeitu ho vitima halimar hamutuk, derepente JPP lori tudik sona Aires Celestino Adelaide iha kakorok parte karuk hodi rezulta vitima.
Julgamentu ikus nee, prejide husi juis Ivan Suritai, ministeriu publiku representa husi prokurador Domingos Barreto no arguidu hetan asistensia legal husi defensor publiku Henrique Marís.
Dadaun ne’e, mate isin Aires Celestino Adelaide sei rai, iha mortuariu hodi hein matebian nia inan fila husi inglatera hafoin lori ba halot.
(Juvenal/Siso)
