Dili – Prezidente Republika koalia ho prezidente Portugal rezolve pasaporte ba Timor oan atu ba servisu iha Irlandia.
Prezidente Republika Jose Ramos Horta komfirma, nia parte koalia ona ho prezidente republika Portugal Marcelo Rebelo Sousa atu halais prosesu pasaporte ba timor oan sira iha direitu atu ba servisu iha irlandia.
Prezidente Republika Jose Ramos Horta halo ona kontaktu ho alemaña no republika irlandia atu simu Timor oan ba servisu iha ne’eba.
Alende ne’e, iha futuru governu Portugal hakarak halo akordu ho Timor Leste atu simu traballador ba servisu iha sira nia rain.
Entretantu, antes ne’e governu Timor-Leste halo akordu ho governu Korea Sul no Australia hodi simu timor oan ba servisu iha sira nia rain.
(Manuel/Siso)
