Dili – Parlamentu nasional husu governu rezolve estudante Martinho Gusmao nebe imigrasaun Indonesia detein hela iha sela Indonesia.
Deputada partidu libertasaun popular-PLP, Domingas Dos Santos informa, estudante ne’e detein husi migrasaun, tamba pasaporte no kitas nia data validade expiradu.
Deputada ne’e halo ona kontaktu ho embaixada Timor Leste iha Jakarta, maibe seidauk hetan atensaun husi parte relevante.
Deputada bancada PLP ne’e husu governu buka solusaun ba estudante ne’e, hodi livre husi detensaun, atu bele kontinua nia estudo iha Surabaya.
Entretantu; Timor-oan ho naran Martinho Gusmao ne’e, husi munisipiu Bobonaro, postu administrativu Balibo, suku Batugade, kontinua estudu iha akademi keperawatan kosgoro mojokerto Surabaya.
Enkuantu; dau-daun ne’e nia labele kontinua estudu, tanba hetan deportasaun.
(Bitu/Alau)
