Dili – Tribunal Distrital Díli, aplika medidas koasaun prizaun preventiva ba arguidu Agosto De Fatima, ba krime ómesidu Fahi Lebo – Liquiça.
Arguidu Agusto De Fatima tinan 59 submete ba prosesu julgamentu primeiru interogatoriu iha Tribunal Distrital Dili, iha loron sabadu fimde semana ne’e, hafoin kumpre detensaun oras 72, iha sela polisia.
Defeza, Estaquio Guterres hateten, maske tribunal aplika ona medidas koasaun prizaun preventiva, maibe tribunal fo tempu loron 15 ba defeza atu halo rekursu.
Hafoin rona tiha desijaun tribunal nian, polisia husi munisipiu Liquiça transporta kedas arguido ba kumpre prizaun preventiva iha prizaun Becora.
Kazu ne’e, akontese iha kinta-feira semana kotuk, hodi rejulta arguido táa mate vitima Francisco Dos Santos ho Edito Soares, iha suku Fahilebu postu administrartivu Bazartete, munisipiu Liquiça.
(Juvenal/Siso)
