Magazine RádiuNotisiasTetum

SEPS Ho Plan Internasional Husu kandidatu PR Labele Envolve Labarik Iha Kampaña

Dili – Sekretariu estadu protesaun sivil ho Plan Internasional husu kandidatu prezidente republika, labele envolve labarik iha kampaña.

Diretor geral protesaun sivil, Ismael Babo agradese ho apoiu Plan Internasional nia komitmentu atu sensibilida informasaun ba sidadaun, atu evita labarik partisipa iha kampaña prezidensial.

Governante ne’e argumenta, labarik no labarik feto sira presiza hetan protesaun husi estadu no familia, atu garante sira nia futuru ne’ebe diak.

Gerente influensia Plan Internasional iha Timor Leste, Laura Lopes informa, alerta sedu ba sidadaun sira importante atu evita risku ba labarik no labarik feto iha periodu kampaña prezidensial.

Segundu komandante PNTL munisipiu Dili superientendente polisia, João Sanso Pires hateten, komando PNTL munisipiu Dili sei foti asaun, uainhira labrik sira envolve iha aktividade politika iha munisipiu Dili.

Tuir observasaun jornalista RTTL iha terenu nota katak, kampaña prezidensial maioria envolve labarik sira.

Entretantu, komisaun nasional eleisaun, hasai ona karta ba kada kandidatu prezidente hodi evita viola regras.

(Manuel/Emy)

Show More

Related Articles

Leave a Reply

Your email address will not be published. Required fields are marked *

Back to top button
error: !