Dili – Prezidente eleitu Jose Ramos Horta deklara, jornalista sira presiza iha formasaun téknika.
Prezidente eleitu Jose Manuel Ramos Horta hato’o asuntu ne’e, liu husi mensajen ba jornalista sira, konesidu ho loron mundial liberdade imprensa ne’ebé selebra, iha tersa-feira semana ne’e.
Ramos Horta husu ba jornalista sira, presiza iha nafatin formasaun ida atu eleva jornalista nia koñesimentu iha mundu jornalismu.
Sorin seluk, prezidente ajensia notisiosa Timor Leste, Manuel Pinto haktuir, tatoli kria programa ida ho naran klinika jornalista, programa ne’e akumula jornalista tatoli atu diskute asuntu ne’ebe liga ba interese públiku.
Prezidente konsellu imprensa Virgilho Guterres haktuir, jornalista tenke iha koñesimentu baziku ba sosiologia no historia hodi nune’e produz notisia ne’ebe iha valor.
Entretantu, iha mundu jornalismu, jornalista sira presiza dezenvolve an liu husi formasaun formal no naun formal hodi eleva koiñesimentu iha mundu joralismu.
(Manuel/Siso)
