Dili – Prezidente Repubika husu fiskalizasaun ba lei responsabilidade prezidente.
Tuir komunikadu imprensa ne’ebe RTTL asesu husi gabiente palacio prezidensial, sita katak, lei responsabilidade Prezidente Republika inisia husi deputadu sira iha parlamentu nasional, hodi limita Prezidente Republika ninia knaar balu uainhira foti desizaun.
Tanba ne’e, Prezidente Republika Jose Ramos Horta husu ba tribunal rekursu atu halo revizaun preliminár kona-ba konstitusionalidade hosi proposta lei responsabilidade prezidente antes atu veto ka promulga.
Xefe estadu halo pedidu ne’e tanba projetu lei husi parlamentu nasional atu limita Prezidente Republika nia kompetensia viola konstituisaun RDTL.
Proposta lei konaba responsabilidae prezidente ne’e mos fo kompetensia ba parlamentu nasional hodi kriminaliza Prezidente Republika bainhira foti desizaun la tuir konstituisaun.
(Manuel/ Enty/Siso)
