Dili – Prezidente republika promulga ona orsamentu geral estadu billaun rua resin ba tinan 2023.
Xefe estadu jose ramos horta informa, nia promulga ona orsamentu geral estadu tinan 2023 hafoin tribunal rekursu deklara inkonstitusionalidade ba orsamentu billaun ida ba fundu veteranu.
Jose Ramos Horta informa, orsamentu geral estadu tenke promulga sedu atu fo ba governu hodi ezekuta iha inisiu fulan janeiru tinan 2023.
Prezidente republika haktuir, la devia governu preve orsamentu ba fundu veteranu, tanba susar atu halo kontrolu ba investimentu fundu refere.
Proposta lei orsamentu geral estadu tinan 2023, governu preve ba parlamentu nasional billaun tolu, pontu sanulu resin neen no parlamentu nasional aprova no haruka ba prezidente republika iha fulan novembru.
(Manuel/Siso)
