Dili – Prezidente republika promulga ona dekretu lei subsidiu remuneratoriu dolar atus rua ba uma kain, iha Timor Leste.
Prezidente republika Jose Ramos Horta komfirma, nia konkorda ho governu atu haruka fila lei anterior ne’ebe define salariu atus lima mai kraik mak iha direitu ba simu subsidiu refere.
Nia haktuir, subsidiu ne’e merese ba ema kbiit laek sira, laos ema ne’ebe manan ona osan boot simu hotu subsidiu ne’e.
Entretantu, tuir kalendariu governu nian katak, sei halo lansamento ba subsidio dolar atus rua, iha loron sanulu resin neen, fulan novembro.
Maibe observasaun jornalista nian iha terenu nota katak, autoridade lokal sira seidauk fo sai avizu konaba atribuisaun subsidiu remuneratoriu dolar atus rua ba kada uma kain iha Timor Leste.
(Manuel/Siso)
