Dili – Prezidente republika kondekora matebian militar sul koreanu nain lima ne’ebe mate iha Oe-Cusse.
Prezidente republika Jose Ramos Horta hateten, tropas koreano nain lima hahu misaun paz onu, iha Timor Leste iha tinan rihun ida atus sia-99.
Xefe estadu justifika, forsa paz onu nian barak mak lakon vida iha Timor-Leste husi nasaun Korea, Portugal, Nova Zelandia, paskistaun no koreano nain lima kondekora ho medalla méritu.
Embaixador korea sul iha Timor Leste, Kim Jeong Ho, agradese ba estadu Timor-Leste neebe kondekora militar nain lima ne’ebe mate iha Timor.
Reprejentante familia matebian, Jun Hyeing agredese, ba povu no estadu Timor Leste bele kondekora sira nia oan.
Tropa militar Korea Sul nain lima mate iha Oe-cusse hafoin halao misaun paz onu nian iha Timor Leste iha loron neen fulan marsu tinan 2003.
Tropa militar nain lima ne’e mak hanesan letnan kolonel Byun Jo, letnan kolonel Jin Kyu, sarjeento Baek Jeong Hun, sarjento Choi Hee no sarjento Jim Jeong Joon.
(Manuel/Siso)
