Dili – Prezidente republika deklara, relasaun externa Timor Leste ho nasaun Australia ho indonesia importante.
Tuir komunikadu imprensa ne’ebe RTTL asesu husi gabinete palacio prezidensial sita katak, relasaun externa nasaun Timor Leste ho nasaun viziñu rua desde prezidensia ida dahuluk tau ona importansia.
Tanba ne’e, xefe estadu Jose Ramos Horta iha nia mandatu halao uluk vizita ba nasaun Indonesia no Australia hodi diskute konaba kooperasaun bilateral ba rai rua.
Xefe estadu informa, iha diskusaun ho primeiru ministru Australia, ministru negosiu estranjeiru no kooperasaun no deputadu Australia sira koalia konaba prosesu grater sunrise.
Alende ne’e, xefe estadu diskute mos koopeasaun sira ligadu ho ekonomia rai rua nian iha futuru.
Xefe estadu Jose Ramos Horta deklara, apoiu estadu no governu Australia ba Timor Leste desde uluk too agora hodi fo servisu ba Timor oan sira.
(Manuel/Siso)
